驚蟄日，廣東人傳統係打小人（附口訣）

本文来源于©蓝粤网，本站乃公益性发布

今日驚蟄，廣東人傳統係打小人，將自己嘅愁家生辰八字囉出來，痛快地打，係咪好happy？下面係口訣
打你個小人頭，打到你成世無出頭。 打你個小人肛，打到你成日心慌慌。
打你隻小人手，打到你有錢唔識收。 打你個小人喉，打到你講嘢無自由。
打你隻小人腳，打到你有鞋唔識著。 打你條小人脷，打到你要去做娼妓。
打你隻小人眼，打到你成世都撞板。打你個小人腮，打到你一世無飯開。
打你隻小人耳，打到你做鬼都唔似。打你排小人骨，打到你成世俾人屈。
打你個小人口，打到你食親飯都嘔。 打你舊小人肉，打到你肚餓又中毒。
打你個小人鼻，打到你索野無晒味。 打你隻小人髀，打到你唔敢番屋企。
打你條小人頸，打到你瞓到唔知醒， 打你個小人肩，打到你賭錢係咁先。
打你個小人胸，打到你一世無老公。 打你個小人額，打到你雙眼都反白。
打你條小人腰，打到你成日發高燒。 打你個小人嘴，打到你成世畀人隊。
打你個小人肚，打到你成日嘔白泡。打你條飲食道，打到你炒股捉錯路。
打你個小人腦，打到你做咩嘢都無。 打你嘅嗰下邊，打到你絕後兼嘔電。
打你個小人胃，打到你見人就要跪。 打你嘅左右臂，打到你談情骨到痺。
打你條小人腸，打到你放屁特別響。 打你嘅左右腭，打到你傷心又寂寞。
打你排小人牙，打到你食嘢朦查查。打你嘅左右腿，打到你係咁流口水。
打你個小人心，打到你去見葉利欽。 打你個膝頭哥，打到你食嘢係咁屙。
打你個小人肝，打到你出街無心安。 打你嘅二頭肌，打到你轉頭生癩痢。
打你個小人脾，打到你結婚即刻離。 打你嘅背脊骨，打到你成世要行乞。
打你個小人肺，打到你口水嗲嗲渧。 打你條甲狀腺，打到你靚女睇唔見。
打你個小人腎，打到你今世行衰運。 打你條腦神經，打到你沽空係咁升。